परासी,असार ३१ । मुलपानी सामुदायिक वन उपभोक्ता समूह सुनवल-४ काे आयाेजनामा दुई दिने क्षमता विकास तथा उद्घाेषण तालिमलाई उद्घाटन गर्दै लुम्बिनी प्रदेशका वन तथा वातावरण मन्त्री कलवारले तालिममा सहभागी भई सफलता पुर्वक ज्ञान आर्जन गर्ने र सबैलाई आत्मनिर्भर कसरी बनाउने हामी सबैले लाग्नु पर्ने बताउदै वनकाे संरक्षण गरि वातावरण प्रदुषण कम गर्न प्रदेश सरकारले वृक्षाराेपणकाे अभियान सुरु गरेकाे जानकारी दिनुभयो । 

वन समुहका अध्यक्ष यज्ञप्रसाद पाण्डेकाे अध्यक्षतामा भएकाे कार्यक्रममा रमवापुर मावि सुनवल कक्षा -७ मा अध्ययनरत खगराज पाैडेललाई छात्रवृत्ति कार्यक्रम अन्तरगत नगद १५ हजार पुरस्कार वितरण गरिएको समुहका काेषाध्यक्ष अवधेश यादवले जानकारी दिनुभयाे ।

कार्यक्रममा लुम्बिनी प्रदेश सदस्य एवम् पुर्व मन्त्री खड्ग बस्नेत,सुनवल नगरपालिकाकी नगर प्रमुख विमला अर्याल,रामग्राम नगरपालिका वडा नं ४ का वडा अध्यक्ष मदन यादव,सुनवल सब-डिभिजन वन कार्यालयका वरिष्ठ वन अधिकृत मरिच कुमार लामा,महाकवि देवकाेटा क्याम्पसका अध्यक्ष कृष्णप्रसाद लामिछाने,जन उदय सामुदायिक वन समूहका अध्यक्ष विरवहादुर विश्वकर्मा, वन समुहका उपाध्यक्ष एवम् रामग्राम -४ का वडा सदस्य प्रभुलाल माैर्य लगायतले बाेल्नुभएकाे वन समुहकी सचिव समिक्षा बलालले जानकारी दिनुभयाे ।